ثقافة مواجهة الفساد

الدكتور المحاضره اللى فات كان قال سؤالين اللى هم

السؤال الاول :فى الواقع ..لماذا تكون مواجهه الفساد قليله جدا ؟

 السؤال الثانى: لماذا نختلف نتائج ثانيه اتصالات عن الواقع ؟؟

وكانت من ضمن الاجابات للسؤال الاول...

 -الخوف

-عدم القدره على تحمل المسؤلية

-انتشارها بكثرة

-السلبية

-الخوف عن العائلة

-الشكوى بتروح فى النهايه للفاسدين

ودي كانت اجابات دفعة تانية اتصالات كلها اراء جيدة ولكن في حاجات ماتقالوش

السبب  الاول :لاننا شعب تربى على عدم محاربه الفساد وهذا جزء من تراثنا

ودليل على ده كل الامثال الشعبيه اللى عندنا جيه زى

-من خاف سلم

-ماينوب المخلص غير تقطيع هدومه

-عيش فأر ما تموتش أسد

-عيش جبان تموت مستور

السبب الثانى :عندنا انفصام فى الشخصية  بين كل ماهو خاص و كل ما هو عام 

عشان احنا كشعب بنقدم كل ما هو شخصى على كل حاجة وفى نفس الوقت كل اللى

مش بتاعى يبقى وانا مالى

لو كان بتاعى= هاهتم وهاواجه الفساد

مش بتاعى= وانا مالى

القضية بتاعتنا دلوقتى مش هو صح ولا غلط لكن هى فكره هل يخصنى او ما يخصنى

المشكله فى التربية و الطريقة اللى بيأثر بيها المجتمع فينا

يعنى مثلا

 واحد سافر الدنمارك.بعد ما عمل رخصه دوليه اجر سياره....وهو سايق لقى

عربيه من وراه عماله تزمرله و معرفش كانت عايزه ايه اللى لما وقف ونزلت واحدة

عجوزه وقالتله : انتم مجرمين ...انتم  هتخربولنا بلدنا ....

 فهو قالها: انا عملت ايه ؟؟

قالت السيدة : انت كسرت الاشارة في التقاطع اللى فات

فرد عليها :انا بصيت شمال ويمين وملقيتش عربيات فكملت عادى

فقالتله :الكلام ده تعملوا ف بلدكوا مش هنا

و بعدها فضل واخد باله من الاشارة و لما رجع فضل برده يـاخد باله منها يجى

اسبوع كده بس بعد كده رجع زى ما كان عشان هى ديه الطريقة اللى اتعود عليها هنا

والمفيد من القصة ديه انها مقالتش وانا مالى و سابته لكن هى حاربت الفساد وده اللى

مفروض كلنا نعمله اننا منسكتش على اى حاجه غلط بس المفروض اننا نحارب الفساد

و نعمل الصح

و كمثال اخر: كان (دكتور شريف) رايح باريس من مطار القاهره وكانوا واقفين فى

طابور

ف جاء واحد و راح اخترق الطابور فطبعا الدكتور قال عادى احنا كمصريين

متعودين على كده بس كان واحد هو مكنش مصرى راح خارج من الطابور و راح

ضرب اللى اخترق الطابور على ضهره و قاله

How dare you cross the line ? I don't care who you are ??
المصرى ده اصر انه يخترق الطابور و قاله انا بشتغل هنا فطبعا الاوروبى ده اتضايق

جدا ورجع مكانه و قعد يشتم

الفكره دلوقتى مش انه اوروبى بس الفكرة هى الطريقة اللى اتعود عليها فى المجتمع

اللى هو عايش فيه و سلوكيات كل الناس اللى حوليه مش هو لوحده

مثال تانى :الدكتور كان راكب المترو الصبح  و ركبت واحده و قعدت

تاكل لب و ترمى القشر على الارض ف الدكتور كان حيران يعمل ايه يواجه الفساد و

يجهز نفسه انه ممكن يسمع كلام ميعجبوش ولا يقول وانا مالى و يسبها و خلاص ؟؟

 وبعد تفكير طويل قرر انه يقولها و راح و قالها انها مفروض تحافظ على مكان و انها

ممكن ترمى القشر فى اى كيس معاها بدل ما تبهدل الدنيا حوليها

فطبعا هى ذهلت و تنحت ليه واعدت تفكر هو مين ده اصلا ؟؟ و ازاى يقول كده ؟؟

بس الدكتور قدر يواجه الفساد عشان هى  بعض كده بدات تدور على كيس تلم فيه

الحاجه ...

ومن ضمن الاسئله اللى قال عليها الدكتور :

علما بأن مصر فيها ديانتين –الاسلام و المسيحية –هل تعتقد ان الشعب المصرى

بيحترم دينه ؟؟

الاجابه كانت :99% من الناس اللى سالوهم الاجابة كانت ايه :لا الشعب المصري لا

يحترم دينه

وايه السبب اللى ابداه 99% دول مجتمعين؟ قالوا نفس السبب:

اللى هو::

قالوا ان الشعب لا يحترم دينه ......عشان الطريقة اللي بيتعامل بيها معظم السيدات الاجانب من المصريين ولكن في ناس منهم عرفت انا الموضوع مش بس مقصور على السيدات الاجانب لكن على كل السيدات و في ناس منهم معرفتش برده

و فى ناس منهم قالوا...ان الدين الاسلامى و المسيحى اديان محافظه ..اى نوع من

المحافظة  الذى يجعل اى سيده تمشى فى الشارع تنتهك بالقذارة اللى تحدث فى الشارع

المصرى و بعضهم قال اسباب قويه

و ف حبه منهم قالوا :الذى حدث لى ف مصر unforgivable

وبعضهم فال ديه ناس معندهاش دين اصلا

و الموضوع ده خطير جدا و بيحصل كل دقيقه و كل ساعه فلازم نشوفله حل و

نواجهه عشان ده بيدل على انحدار الاخلاقيات الموجوده عندنا