الأربعاء، 13 يونيو 2012

الواسطة


هل انك تحجز لصديق في محاضرة  لم يأتي عمل أخلاقى و لا غير أخلاقي ؟؟

أخلاقى لأن عدد الناس مش كبير و غير أخلاقى لو عدد الناس كبير.

هل يمكن تطبيق القواعد على هذا الموضوع ؟؟

القاعدة الوحيدة التي يمكن تطبيقها هي القاعدة الذهبية , و عموما موضوع الحجز ده يتم بالتراضي يعني الطبيعى ان الناس مش بيفرق

معاها الحجز.

و بعد عمل تصويت علي السماح بالحجز و عدد الاماكن التي يمكن حجزها او الغاء الحجز خالص :

نسبة التصويت الأعلي اننا نخلي الواحد يحجز لاتنين أو تلاتة بالكتير و لو زادت عن كده يبقى مش بتراعي مشاعر الآخرين .
·       
الواسطة
:

هل الواسطة بتظهر في الكلية ؟؟
نعم الواسطة واضحة جدا في دخول الأقسام .

الموقف كالآتي
: واحد داخل كلية هندسة علشان يدخل اتصالات و حاسس انه مستقبله في القسم ده و مجموع اعداد مش دخله
القسم و هيصاب بأزمة نفسية ,يعمل ايه ؟؟ لجأ للواسطة لدخول القسم هل هذا عمل أخلاقي أم غير أخلاقي ؟؟
·      
أخلاقى : لأنه مش هيطلع واحد و هيدخل مكانه .
·       
 
لا أخلاقي لأن لو طبقنا مبدأ التعميم كل الناس هتدخل بالواسطة و ده مش كفاءة.
·         هو ممكن يكون عبقري في مواد القسم و مش شاطر في مواد زي الرسم الهندسي كده هيتظلم .
·       
 
لا أخلاقى لأن التقسيم ده على كل الطلبة مش هو لوحده .
·       
 
القسم بيأخذ الطلبة على حسب العرض و الطلب فلو دخل بالواسطة هيخرب النظام كله.
-          تطبيق القواعد على هذه المسألة يؤدي الي :

1-     
القاعدة الذهبية : النظام ماشي بان القسم بيأخذ 220 طالب منهم 10 بالواسطة و 210 مش بالواسطة و انما

بمجموعهم ده معناه ان الطلبة اللي أقل من الطلبة بدرجة هيتظلموا علشان مش دخلوا القسم لأن غيرهم دخله بالواسطة .

2-     
المبادئ و القيم : هناك القصة الشهيرة المخزومية التي سرقت و دول من أشراف الناس فتوسط لها أسامة بن
زيد عند الرسول صلى الله عليه و سلم فرد الرسول بقوله الشهير :" انما أهلك اللذين من قبلكم انهم اذا سرق فيهم الشريف
تركوه و اذا سرق فيهم الضعيف أقاموا عليه الحد و ايم الله لو أن فاطمة بنت محمد سرقت لقطعت يدها ".                                                          
يعني لو المجتمع سمح بان يكون في ناس فوق القانون المجتمع هينهار .

3-     
المنفعة العامة : الضرر ان الشخص ده بيأخذ مكان شخص تاني أعلى منه و أكفأ منه .

4- 
 التعميم : يؤدي الي مشكلتين الاولى انعدام الكفاءات والتاني اختفاء روح الانتماء للمجتمع انت لما تتحرم من حاجة
انت كنت أولى بيها لأن حد تاني معاه و اسطة.هل يمكن ساعتها انك تدافع عن الوطن او تضحي من أجله ؟

5-     
الاعلان على الملأ : من كتر انتشاره الناس بتعلن عنه .

دلوقتى هندخل في موضوع جديد :

·       
التزام المهندس اتجاه المجتمع :

الموقف الاول :
قبل ظهور الموبايل مدير الاتصالات بأحد المصانع بيقول وسيلة الاتصالات الوحيد هي التليفونات الأرضية و حدث
عطل فيها و طلب السنترال علشان يشوفوا العطل فلو مهندس السنترال اتأخر في تصليح العطل المصنع بيقف 3-4 أيام و بالتالي 

المصنع بيخسر كتير فكان لازم يبعت لمهندس السنترال هدية كل شهر علشان يصلح العطل على طول .الموقف ده أخلاقى و لا لأ؟؟
-          بالنسبة لمهندس السنترال : بيبرر موقفة بان ده طبيعة النفس البشرية ان مافيش حد بيعمل حاجة غلط و يقول أنا غلطان .

§        
الدفاع : ان ظروف الحياة صعبة و مش هتفرق مع المصنع الهدية مقارنة بمكسبه .

§        
هجوم : مهما كانت الظروف ده غلط و يعتبر رشوة .
-          تصرف مهندس السنترال لا أخلاقى بنسبة 100% بتطبيق جميع القواعد .

لو عممنا التصرف ده , الدفع ده يؤدي الي زيادة الاسعار و المشكلة الكبرى ان المستهلك هو اللي بيدفع الثمن .
-          أجريت دراسة في بعض الدول ينتشر فيها الفساد على هذا النحو ووجدت ان اسعار السلع تزيد الي 20% من سعرها نتيجة للفساد .
-          
هناك دول تصل تكلفة الفساد فيها الى 37 % .
-         بالنسبة لمهندس المصنع :

§        
الدفاع : لو اتعطل التليفون كام يوم  المصنع هيخسر كتير فأدفع من الأول أحسن .

§        
الهجوم: كده بنساهم في فساد المجتمع .

الموقف ده من أصعب المواقف اللي ممكن نقابلها يبقى هنا ممكن نطبق مبدأ أخف الضررين :

أدفع: تساهم في ضرر المجتمع (ضرر على المدى البعيد) .

لا أدفع : المصنع هيخسر كتير و ممكن يفلس و يقفل (ضرر واضح على المدى القريب ).

يبقى أخف الضررين انك تدفع .

الموقف التاني : في احدى الشركات المتخصصة في اعطاء الدورات للعمالة في الشركات , و تقدمت عدة شركات x,y,z  بعروض 

معينة و المفروض شركة القطاع العام تختار الارخص ,لكن حد من متخذى القرار في الشركة اتصل بالشركة
x  ووعدهم ان المناقصة 

ليهم بس هيأخذوا نسبة .
§        هل تقبل العرض بمبدأ أخف الضررين ؟؟؟؟

لا بالعكس لأن ده بيدمر معنى المنافسة الشريفة و كمان بيدمر كفاءات المجتمع .

المهم ان الشركة
رفضت و قفلت و كل المهندسين اللي  فيها منهم االي سافر و اللي اشتغل في مكان تاني , و معظمهم
دلوقتي مرتاح في حياته .

مراعاة الاخلاقيات تفتح ابواب جديدة و لا تغلق الباب عليك دائما .

العمل الجماعي



·      
العمل الجماعي:

ده من أهم و أخطر المواضيع في المجتمع حاليا .
·        لو بنشتغل في مشروع مكون من خمسة أفراد و طاقة كل فرد س يبقى طاقة المجموعة كلها تساوي :

1)أكبر من 5س .   2)أقل من 5 س.    3) تساوي 5 س.

نظريا لازم تبقى أكبر من خمسة ,
لماذا؟؟؟
·        أولا : لما نفكر كمجموعة كل واحد بيزود على فكرة التاني لحد ما نوصل لفكرة  كان مستحيل ان واحد يوصلها لوحده.
·       
 
ثانيا : اختلاف القدرات و بالتالي تحسين المنتج النهائي بمعنى نكمل بعض.
·        ثالثا : المجموعة تقدر تشوف المشكلة من جميع الجوانب .
·        رابعا :الاتزان العاطفي للمجموعة يعني ممكن الفرد يأخد قرار خاطئ فيصاب بالاحباط و لكن المجموعة كلها عمرها ما تصاب

بالاحباط في نفس الوقت .

في سنة 2000 رئيس شركة جنرال الكتريك قال :الشركات و الجماعات التي تقدر علي القيام بعمل جماعى ناجح هي

التي ستتفوق في الألفية الجديدة وان عصر العبقرية الفردية قد انتهى لأن الدنيا أصبحت أكثر تعقيدا و الان هو وقت العبقرية 

الجماعية .

سبب تقدم اليابان في أقل من 50 سنة
: انهم يملكون أفضل عمل جماعي في العالم.
·       
ما هو الفرق بين من يستطيع ان يقوم بعمل جماعي ناجح و من لايستطيع؟؟؟

هي قدرتهم على حل المشكلة .
·
        ما هي المشاكل التي تواجه العمل الجماعي ؟؟

أكبر المشاكل هي اختلاف وجهات النظر لكن لا يمكن منع الاختلاف في و جهات النظر لأن ربنا خلقنا كده مختلفين في كل شئ
ليس في الشكل بس , و انما الانفعالات و العواطف و طرق التفكير .
·        لكن هل منع الاختلاف مفيد ؟؟

لا بالعكس لانه كده بيدمر معنى ان طاقة المجموعة اكبر من 5 س لانهم مختلفين في مواهبهم و قدراتهم , قيمة الانسان انه مختلف
عن غيره من الناس و استغلال هذا الاختلاف هو سر العمل الجماعى الناجح .
·         أحيانا بيوجد مفترق طرق أمام المجموعة و لازم اتخاذ قرار حاسم ,ولاتخاذ القرار يوجد اربع طرق:

1-     
الشخص المسيطر  dominant person

2-     
حكم الاقلية الأكفأ في المجموعة minority rule

3-     
حكم الاغلبية و اتخاذ القرار عن طريق التصويت majority rule

4-   
اتحاد الاراء و الوصول لحل يرضي جميع الاطراف consensus

أولا الشخص المسيطر : أسؤ الطرق لأنها مرتبطة بكفاءة الشخص ده لو مش كفء ممكن يفشل العمل .

ثانيا حكم الأكفأ :
أفضل من الاولي و هناك ضمان للكفاءة .

ثالثا حكم الاغلبية :
أفضل لأن اتخاذ القرار كان بعد تفكير عميق والكل عبر عن رأيه .

رابعا اتحاد الاراء :
أفضل الطرق و لكن بيأخذ وقت طويل للوصول لحل يرضي جميع الاطراف .
·       
 
الطريقة اليابانية : اتحاد الاراء .
·       
 
الطريقة الامريكية : حكم الاغلبية .
·       
 
الطريقة المصرية : الشخص المسيطر أكيد .

العمل الجماعى هو سر النجاح و التقدم .

ما علاقة ذلك بالأخلاقيات ؟؟؟

اذا توافرت في العمل الجماعى سينجح العمل

1)     
القاعدة الذهبية ان تحب للآخرين ما تحبه لنفسك .

2)     
الانانية هي كل ما يفسد الجماعية There is no "I" in the word "team"

3)     
عدم وجود منافسة في المجموعة

4)     
لا يوجد تصيد لأخطاء الاشخاص في المجموعة لا يوجد سخرية

5)     
الوفاء بالالتزامات.

يتم عمل دراسات علي الشركات الاكثر نجاحا و يكون التقييم الأول علي العمل الجماعى فبعض الشكات لديهم شعار يطبقوه مثل :

We serve one another

Help others to be successful

Trust
: الثقة عامل مهم في العمل الجماعى .

الثلاثاء، 5 يونيو 2012

علاج الغش ومشكلة الدروس الخصوصية


في المحاضرة السابقة تحدثنا عن الغش في الامتحانات و لسؤال الدكتور عن اسباب

الغش و علاجه:
   
1)   
بعض الطلبة يرون ان الغش في الامتحانات سببه :

 الاستسهال – انعدام الاخلاق- صعوبة الامتحانات – اليأس من النجاح – عدم وجود

توعية
.
   
2)   
 لعلاج الغش اقترح بعض الطلبة الحلول الاتية


التوعية و التربية السليمة – تشديد العقاب – تسهيل الامتحانات او الغاء الامتحانات و

كده نمنع الغش – ان نسمح للجميع بالغش- ننمي بداخلنا الثقة بالنفس يبقى مش هغش

حتي لو هسقط و الخوف من ربنا  
.

يبقى نوصل من هنا ان المهم الفهم مش اكتساب الدرجات يعني ممكن واحد تقديره مش

عالي و فاهم احسن من واحد تقديره عالي ومش فاهم .

يبقى لو
: جمعت التقدير مع الفهم يبقى انت رائع – تقدير من غير فهم هيبقى كأنك مش

موجود(هامش) – لو فهم من غير تقدير هيبقى أحسن  .

و من هنا ممكن نرتب الناس كالآتي:  


1)   
فاهم و تقديره عالي                    

2)   
فاهم بصرف النظر عن التقدي

3) 
مش فاهم و بيجيب تقدير عالي (التقدير مش هيزود احترامك لنفسك او احترام
الناس ليك الاهم الفهم فالقيمة مش في التقدير القيمة في اللي ورا التقدير ). 
لو اقتنعنا ان
الفهم اهم من التقدير ممكن بكده نلغي ظاهرة الغش لان ليه هغش طالما

التركيز كله علي الفهم لكن ليه التقييم في الآخر علي الدرجات 


·
لأن الناس بتفترض ان الدرجات مرتبطة بالفهم و في ناس بتحفظ و بتجيب درجات و

مش هينفع نقيم الانسان الفاهم من غير درجات فالمشكلة اننا نجد صعوبة في تقييم


الناس من غير درجات
و
بعض ابتكارات الطلبة ان يبقي 3 سنين فهم و سنة امتحان او تزويد
اعمال السنة بس


ده هيأخذ وقت طويل عشان نغير النظام فرد الدكتور 
بسؤال :

ا
زاي نبقى خطوة في تغير النظام ؟؟؟؟ وكانت الاجابة :1)انك تبقى مقتنع ان قيمتك وانت فاهم هتبقى اكبر و تحاول تبذل جهد وتركز علي الفهم.

2) لو انت عندك قناعة ان الفهم اهم حاجة ,يبقى المشكلة اتحلت حتي لو 
الجامعة 

نظامها غريب و الدكاترة أغرب 
الدكتور يقول للطلبة انتو لازم دماغكم تكون شغالة وان 

قيمتك انت فاهم قد 
ايه و لعلمكم الكلام سهل يعني لو الدكتور جاب امتحان يعتمد علي 

الفهم  
100% الناس بتصرخ و يقولوا عايزينه سهل انتوا عايزين الامتحانات سهلة

حاجات متوقعة و محفوظة و لما نقول يا فهم الناس بتصرخ فهي مش 
حاجة سهلة يعني

لما تدخل الامتحان و يتبخر فهمك هيبقى اصعب هتقول
ياريت كان قوانين محفوظة و


خلاص.
المهم نكون متفقين ان الاهم انك تكون فاهم .
و
الفهم مش سهل وبسيط 
واغلب الطلبة بتستسهل الحفظ يعني ادينا حاجات نذاكرها ونبقى


عارفين 
الامتحان جاى ازاي و الكلام ده
عايزين بقى نناقش النقطة اللي في علاج الغش

و
هي القانون الرادع  
يعني لو اطبق الناس هتبطل تغش او هتقل الظاهرة؟


- ونسبة اللي شايف انه هيحل المشكلة 50% واللي شايف انه مش هيحلها 50% وده

المتوقع.


 
حد يدافع : القانون هيحل المشكلة لأن الناس هتلاقي حد هيطبق عليه القانون فتخاف

و اللي مش بيغش لما يلاقي العقوبة شديدة هيخاف يعمل كده و بالتالي تقل الظاهرة


 
حد يهاجم : 

القانون مش هيحل المشكلة لأن 
القانون موجود بس الناس بتتحايل عليه و بتعرف تغش .· رأي الدكتور في موضوع

العقاب الرادع : 
في حالة الغش في بلدنا في الوضع اللي احنا فيه ده مش هيحل المشكلة ؟؟؟ ده يرجع لمعني القانون أو فلسفة القانون,القانون

يصلح امتي و مع مين؟؟القانون هينفع لو 


هيطبق علي الاقلية المنحرفة يبقى ساعتها ليه تأثير علي مجموعة من الناس يعني لو

اطبق علي 1% بيسرقوا وفيه قانون رادع الناس هتخاف و هتقل النسبة من 1%الي

0.5% ال 0.25% الى أن تختفي و لكن القانون الرادع لا يطبق علي الاغلبية
 

المنحرفة طيب ليه ؟؟ وهو مين هيطبق القانون ده؟؟
و منين نجيب نظام شرطة يقبض

علي حد ارتكب جريمة هو ارتكبها او ابنه ارتكبها!! 

و
مين القاضي اللي هيحكم على مجرم في قضية و هو أيضا بيرتكبها!!!


- 
لما الغالبية تتصرف نفس التصرف الخاطئ القانون بيفقد معناه,وفي حالة الغش


القانون صارم لدرجة انه مش بيتنفذ زي اللي بيتمسك بيغش يتفصل سنتين ويقعد في

البيت ده القانون الحالي.


في مثال صارخ في الولايات المتحدة حيث في عام 1919 صدر قانون يحرم شرب 

و
تداول الخمور, و بعد كده تم الغائه عام1933!!! .
-هنا نسأل نفسنا سؤالين ليه

اطبق و ليه اتلغى
؟؟؟؟؟المجتمع ساعتها كان نصوا بيشرب خمور و النص التاني لأ و

كانت الغالبية في المجلس التشريعي في الكونجرس الامريكي اللي مش بيشرب خمور 

وقالوا ان شرب الخمور بيفسد المجتمع و يؤدي لانتشار الجرائم المختلفة و لكن نفس 


المجلس ألغى القانون بعد14 سنة نتيجة ان الجرائم زادت و كثرة الرشوة و التهريب


عبر الحدود مما دفع نفس المجلس لالغاء القانون لما أتى به من نتائج عكس المتوقعة.


قارن الطريقة دي بالطريقة اللي اتعامل بيها القرآن مع نفس المشكلة(شرب الخمور) ؟؟


القرآن نزل في مجتمع جاهلي بيشرب الخمور بجنون هل قال لهم لا تشربوا الخمور 

عشان هتدخلوا النار لأ طبعا التعامل يبقى بالتدريج حيث في البداية قال لهم انه شئ

مش كويس في قوله تعالي:
( يسئلونك عن الخمر و الميسر قل فيهما اثم كبيرو منافع

للناس واثمهما اكبر من نفعهما).وبعد نزول الاية بسنين طويلة نزلت ايه تانية, قال

تعالى (لا تقربوا الصلاة و انتم سكارى).و بعدها بسنين طويلة نزلت ايه تانية,قال

تعالى (رجس من عمل الشيطان فاجتنبوه).
حيث ان الطريقة التدريجية هي اللي بتجيب 
نتيجة في الآخر,والقانون الرادع المفاجئ مش بيجيب نتيجة.

· 
نرجع بقى لموضوع الغش الغش مش هيتعالج بالقانون الصارم و انما هيقل

تدريجيا بالتوعية.


· 
مين اللي بيقوم بالتوعية ؟؟ الأسرة والمدرسة والاعلام و الدين و هما دول أركان

التوعية اللي فيهم أمل ولكن يوجد تقصير في الاربع اركان,كام واحد شاف توعية ضد


الغش في المدارس تقريبا 6% وأكتر من 90% مش شافوا توعية ضد الغش بل

العكس ممكن يكون في مساعدة علي الغش وفي وسائل الاعلام كام مرة شوفنا توعية 


ضد الغش و لا مرة .
·  نسب الغش في أحد المجتمعات60%و المساعدة علي الغش80%بينما في مجتمع

آخرنسب الغش 20% و المساعدة علي الغش4%.


·  
تفتكروا اي بلد يبقى فيها تقدم اقتصادي او تكنولوجي او تقدم هندسي من غير ما 

نعرف اي معلومة تانية اي البلدين اكثر تقدم ؟

الاجابة:


· 
البلد اللي الغش فيها اكتر 5%

· 
البلد اللي الغش فيها أقل  35%

·
المعلومات لا تكفي للأجابة .

أكيد البلد الاقل في الغش هي الاكثر تقدما و اللي لازم نخرج بيه من الكورس هو


ارتباط التقدم في المجتمع بالأخلاقيات الموجودة في المجتمع
اللي منها الغش في 


الامتحانات و الرشوه كلما قلت يزداد تقدم المجتمع .


· 
ارتباط تقدم المجتمعات ب:

1) 
قلة الغش في المجتمع .

2) 
قلة الرشوة في المجتمع.

3) 
احترام الطابور .

· 
في أمريكا في امتحانات بدون مراقب وانما بكلمة شرف يعني ممكن يبقى في امتحان

تحله في البيت و لكن و انت بتسلم بتمضي انك حليته بدون مساعدة من الاخرين.

·  NEITHER RECEIVE NOR GIVE ANY HELP IN SOLVING THIS EXAM

  BY HONOUR WORD
لو انت مكان الدكاترة تعتقد كام طالب في مصر تقدر تعمل

معاه كده أكيد و لا واحد!!! تخيل اننا بقينا في مجتمع مش بيحترم كلمة الشرف و كل

الناس بتكدب وفي بعض الاذهان توجد فكرة ان اللي بيغشش شهم وجدع
  و اللي مش

بيرضي يغشش ندل وجبان لكن هذا التفكير خاطئ تماما.
·  مثال علي امتحان حصل 
في مصر من غير مراقب في اللجنة ::
دفعة تانية حاسبات الدكتور كان بيدرس لهم اول

ما رجع من كندا وكان بيدرس مادة القياسات و اتفقوا ان الامتحان هيكون في نفس

ميعاد المحاضرة و لما جاء وقت الامتحان الدكتور سأل الطلبة انتوا عايزينى اراقب

عليكوا؟؟,,, كان رد فعل الدفعة انهم قعدوا يضحكوا افتكروا انه بيهزر قالهم انا مش بهزر

اتغير رد فعل الدفعة و نظروا ليه كأنهم بيقولواالراجل ده اتجنن و لا ايه الحكاية

فالدكتور قعد يتكلم معاهم عن الاخلاق و ان الغش حرام و حاجات تانية و في الاخر

سألهم أراقب عليكم و لا لأ


 كان فيه رأيين


:
1) الكلام ده كويس و كل حاجة لكن في ناس هتغش و مش لازم نسيب ليهم

الفرصة.
2) لازم نخوض التجربة و منغشش و ميبقاش فيه مراقب.·الرأيين موجودين الدكتور

عمل تصويت و كانت نتيجته:
29 عايزين يخوضوا التجربة و 6 امتنعوا عن التصويت

و 23 قالوا لازم يبقى فيه مراقب .الدكتور قال خلاص مش هيبقى فيه مراقب و الامتحان

هيبدأ و نشوف ايه اللي هيحصل وزع الورق و استني شوية و بعدين خرج ووقف علي

جنب من غير ما يشوفهم او يشوفوه و بعد شوية دخل اللجنة مش لقى اي تغيير في

الاوضاع وبعدين كرر ده مرة تانية خرج و دخل و بعدين خرج خالص و بعدين خرج

واحد يسلم ورقته و كانت فاضية و الدكتور سأله ما غشتش ليه قاله مسألة مبدأ و احنا

اتفقنا ان مفيش غش خلاص وبعد تصحيح الامتحان مفيش أثر للغش و ده معناه ان

التجربة نجحت و ان التوعية جابت نتيجة.

·  
في أخر موضوع الغش انت قدامك

الاختيارات الاتية:

1)  
تغش و تساعد علي الغش "طالب واحد اختار ده".
2)  
تساعد علي الغش بس"19 طالب".
3)  
الاستقالة في صمت"30%"
4)   
هتعمل عمل ايجابي و تقول للمراقب انك مش عارف تركز من الصوت "20%".
·   
خارج اللجنة:
1)
 النصح 
المباشر انك تنصح زمايلك ان الغش حرام.
2)
 انك تساعدهم علي المذاكرة.
·  
الدروس 
الخصوصية :-

  
دفاع عن الدروس الخصوصية :

1)
 ايه الغلط واحد راح لواحد قاله اديني درس .
2) 
لو دكتور الماده هو اللي بيدي درس تبقى جريمة انما لو حد تاني بيساعدني نتيجة

أجر بياخده ايه  المشكلة.
3) 
انا دفعت فلوس عشان آخد ميزة عن الآخرين ايه المشكلة.
4) 
لو اعتبرنا ان اللي معاه فلوس و بياخد خدمة ده ظلم يبقى كل حاجة ظلم التعليم

الخاص ظلم و العلاج الخاص ظلم.

-
هجوم علي الدروس الخصوصية :


1)  العملية التعليمية هتفقد معناها لأن ده هيبقى تلقين و التعليم هيفسد .
2)  
بياخد فرص زياده عن زمايله بيعرف طرق حل و أفكار جديدة.
3) 
انا كده بظلم اللي مش عنده امكانية للدروس.
4)
 الدليل انها مش أخلاقية ان اللي بياخدوا دروس مش بيعلنوا عنها.
رأي الدكتور:

ان ده بيعتمد يعني ايه ؟ يعني في مسائل أخلاقية 100% و مسائل 


غير أخلاقية 100% لكن ديه بتعتمد الطالب بياخد الدروس استسهال و لا ليه لكن

الموضوع ده مضر و لا اخلاقي من ناحية  المنفعة العامة و التعميم و القاعدة الذهبية و

الاعلان و المبادئ .
- علشان تبقى مهندس ناجح لازم تعتمد على نفسك 90%من

الوقت و الدكتور بيديك بدايات الموضوع و انت عليك الباقي و بيديك
office hours

علشان تسأل في اللي مش فاهمه.
- في مواقف بتلزم الطالب انه ياخد دروس علشان 

هيسقط يعني لو مش بتفهم من المحاضرة عيب   في الدكتور او الظروف المحيطة

يبقى لازم تاخد درس بس لو كترت الحكاية ديه اكتر من مره او مرتين يبقى بتخدع


نفسك يعني لو مرة او مرتين في الخمس سنين عادي انما مرة او مرتين في الترم يبقى

في 
حاجة غلط.
- 
طيب لو اتعرض عليك تدرس درس خصوصي هتقبل ؟؟
يبقى لازم تجاوب علي السؤالين :
1)
هل هما محتاجين الدرس فعلا و عندهم صعوبة في المادة ولا مش بيحضروا و

يدلعوا.


2) 
انت لو هتديهم الدرس يبقى علشان يبقوا مهندسين كويسين ولا تلقين و ازاي يحلوا

امتحانات.اذن الموضوع كله :من منظور المدرس و الطالب هل هناك فائدة حقيقية ولا

مجرد دلع؟؟